Estoniya chet ellik tadbirkorlar va mutaxassislar uchun startap-vizalarni joriy qildi

Estoniya hukumati Yevroittifoq tashqarisidan kelgan tadbirkorlar va mutaxassislarga startap-vizalar berish dasturini ishga tushirdi, deb yozadi “VC.ru”. Startup Estonia loyihasini Estoniya startap-jamiyati mamlakat ichki ishlar vazirligi ko‘magida rivojlantirilmoqda.

Tallin. Foto: “Tourprom.ru”

Startap-viza olishga o‘z loyihasini Estoniyada rivojlantirish niyatida bo‘lgan tadbirkor da’vogarlik qilishi mumkin. Ariza beruvchining allaqachon Estoniyada o‘z kompaniyasi bo‘lsa, u istiqomat uchun guvohnoma so‘rashi mumkin.
Startap-viza olish uchun arizani mahalliy startap jamiyati ishtirokchilaridan iborat maxsus Startap-qo‘mita ko‘rib chiqadi. Tashkilot o‘n ish kuni ichida qaror qabul qiladi, qaror ijobiy bo‘lsa, arizachiga maxsus kod beriladi, u orqali Estoniya elchixonasiga viza olish uchun hujjat topshirish mumkin bo‘ladi.
Dasturdan, shuningdek, Yevroittifoq tashqarisida yashaydigan chet ellik mutaxassisni ishga yollamoqchi bo‘lgan mahalliy startaplar ham foydalanishi mumkin. Buning uchun chet ellik xodimlarni imtiyozli shartlar bilan jalb etish haqida ariza berish kerak. U Startap-qo‘mita tomonidan ma’qullangan taqdirda, kompaniya chet ellik xodimlarni besh yilgacha muddatga yollash huquqini qo‘lga kiritadi.
Hamkorlik bundan ham uzoq davom etsa, xorijlik xodim istiqomat uchun guvohnoma olishga hujjatlarini topshiradi.
Batafsil | Подробно | Read more... Daryo