Qarshining “Nasaf” futbol klubi Turkiyadagi yig‘inini yakunladi. Oliy liganing 2016-yilgi mavsumini “Lokomotiv” va “Bunyodkor”dan keyin 3-o‘rinda yakunlagan, O‘zbekiston kubogining esa finaliga qadar yetib borgan “Nasaf” yig‘in doirasida 6 ta o‘rtoqlik o‘yinida maydonga tushdi.
Foto: “Championat.asia”
Raqiblarning barchasi Yevropa qit’asi vakillari bo‘ldi. Shulardan 2 tasi Ozarbayjon klublari bo‘lsa, Kipr, Ruminiya, Ukraina va Qozog‘istondan 1 tadan jamoa Qarshi klubiga raqiblik qildi.
2016-yilgi mavsumdan keyin o‘zining bir qator yetakchi futbolchilarini boy bergan “Nasaf” raqiblarning barchasini mag‘lub etishga muvaffaq bo‘ldi. Dastlabki 4 ta bellashuv 1:0 hisoblarida yakuniga yetgan bo‘lsa, keyingi 2 tasida raqiblar “Nasaf” darvozasiga yo‘l topdi. Shu bilan birga o‘z darvozasidan 3 tadan gol ham o‘tkazib yubordi.
Qayd etish kerak, “Nasaf” bir necha yillardan buyon shakllanib kelayotgan tarkibning bir qator futbolchilaridan voz kechdi: Artur Gevorkyan, Erkin Boydullayev, Azamat Allaniyazov va Shuhrat Muhammadiyev.
Ma’lumot uchun, “Nasaf” Osiyo chempionlar ligasining pley-off o‘yinlarida ishtirok etadi va O‘zbekiston klublari orasida birinchilardan bo‘lib mavsumni boshlab beradi. Qarshi klubi 31-yanvar kuni o‘z maydonida Bahraynning “Al-Hidd” klubini qabul qiladi.
Turkiyadagi o‘yinlar
“Nasaf” — “AEK” (Kipr) 1:0
Gol: Shahboz Erkinov, 55 (1:0).
“Nasaf” — “Neftchi” (Ozarbayjon) 1:0
Gol: Farruh Sayfiyev, 67 (1:0).
“Nasaf” — “Botoshani” (Ruminiya) 1:0
Gol: Dragan Cheran, 34 (1:0).
“Nasaf” — “Sumgait” (Ozarbayjon) 1:0
Gol: Sharof Muhiddinov, 54 (1:0).
“Nasaf” — “Karpati” (Ukraina) 3:1
Gollar: Dragan Cheran, 5 (1:0). Dragan Cheran, 50 (2:0). Gravets, 62-pen (2:1). Dilshod Xushbekov, 87 (3:1).
“Nasaf” — “Shaxtyor” (Qozog‘iston) 3:1
Gollar: Ivan Sadovnichiy 6 (1:0), Aziz G‘aniyev 50 (1:1), Shahboz Erkinov 54 (1:2), Dragan Cheran 65 (1:3).
Batafsil | Подробно | Read more... Daryo
“Nasaf” Turkiyada Yevropa qit’asining 6 ta jamoasi bilan o‘ynadi va ularning barchasini mag‘lub etdi
Related News
Top News
-
«Xalaqit beruvchi reyting». O‘zbekistonga 3-bosqichda kimlar raqib bo‘ladi?.
Bugun, 6 iyun kuni O‘zbekiston milliy jamoasi JCh-2026 saralashining 2-bosqichida navbatdagi o‘yinini o‘tkazadi..
-
Ученые заново изобрели шоколад: он такой же вкусный, но не имеет сахара
Швейцарские ученые заново изобрели рецепт вкусного шоколада Шоколад считается очень полезным для здоровья продуктом. Уже давно известно, что...
-
Rossiya Karib dengizida harbiy mashg‘ulotlar o‘tkazadi.
AP xabariga ko‘ra, Rossiya harbiy kemalari va samolyotlari yaqin haftalarda Karib dengiziga yetib boradi va yoz oxirigacha u yerda qoladi. Ularning...
-
"Тоттенхэм" япониялик марказий ҳимоячини нишонга олди
Лондоннинг "Тоттенхэм" клуби "Штутгарт" марказий ҳимоячиси Хироки Итога эътибор қаратмоқда.
-
Yamal, Nevesh, Garnacho – Golden Boy uchun asosiy da’vogarlar, Abduqodir Husanov ham reytingdan joy oldi.
Golden Boy Index jahonning ayni damdagi eng yaxshi yosh o‘yinchilari top-100lik reytingiga o‘zbekistonlik futbolchini ham kiritdi..
-
O‘zbekiston va Turkiya yetakchilari keng qamrovli strategik sheriklikni yanada kengaytirish muhimligini qayd etdi.
Yaqin kelajakda ikki tomonlama savdo hajmini 5 milliard dollarga yetkazish maqsad qilingan..