Tailand janubidagi kuchli toshqinlar qurbonlari soni 80 kishiga yetdi

Tailand janubidagi kuchli toshqinlar qurbonlari soni 80 kishiga yetdi, yana 4 kishi bedarak yo‘qolgan deb hisoblanmoqda. Bu haqda 21-yanvar, shanba kuni mamlakat favqulodda holatlarni bartaraf etish departamenti ma’lum qildi, deya xabar beradi “TASS”.

Foto: EPA

Oldinroq tabiiy ofat oqibatida 19 kishi halok bo‘lgani bildirilgandi.
Qutqaruvchilarga ko‘ra, shiddatli yomg‘irlar tufayli Janubiy Tailandning salkam 1,7 million kishi istiqomat qiladigan 12 provinsiyasidagi yuz minglab uy xo‘jaligini suv bosdi.
Toshqinlar mamlakatga jiddiy iqtisodiy zarar yetkazdi. Yuzlab fabrika va zavodlar, sholi plantatsiyalari suv ostida qoldi.
Tabiiy ofatdan ko‘rilgan ziyon 100 milliard batdan (2,8 milliard dollar) oshishi mumkin.
Diqqat, diqqat! “Daryo”ning Telegram’dagi rasmiy kanali — “ Toshqin ‘Daryo’ ” ( @toshqindaryo )ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Batafsil | Подробно | Read more... Daryo