Qodirov Ukraina tashqi ishlar vaziri maslahatchisiga “ta’sirli javob” bilan tahdid qildi

Checheniston rahbari Ramzan Qodirov Ukraina tashqi ishlar vaziri maslahatchisi Anton Gerashchenkoning Suriyadagi aviazarbalarda qatnashayotgan rossiyalik harbiy xizmatchilar haqidagi ma’lumotni e’lon qilish da’vati javobsiz qolmasligini aytdi, deb yozadi “RBK”.

Foto: “RBK”

“Rossiyalik harbiy xizmatchilar manzillarini qidirayotganlar uchun e’lon qilamanki, men Rossiya aviatsiyasining IShID nuqtalariga zarba bergan birinchi uchuvchisi bo‘laman. Hozirda Suriya osmonida samolyot boshqarmoqdaman. Manzilim va telefon raqamim barchaga ma’lum”, — dedi Qodirov.
U “uchuvchilarimizga qaratilgan tahdidlar” javobsiz qolmasligini ta’kidladi. “Javob esa ta’sirli bo‘ladi. Buning uchun kuch va vositalar bor”, — dedi Qodirov.
Nashr eslatishicha, avvalroq Ukraina tashqi ishlar vaziri maslahatchisi Anton Gerashchenko Suriyadagi aviazarbalarda qatnashayotgan rossiyalik harbiy xizmatchilar haqidagi ma’lumotni “Mirotvorets” (Ukraina milliy xavfsizligi, tinchlik, insoniyat xavfsizligi va xalqaro huquq-tartibotga qarshi jinoyatlar belgilarini tadqiq qilish markazi) saytida e’lon qilish taklifi bilan chiqqan edi.
Batafsil | Подробно | Read more... Daryo