O‘zbekistonda meva-sabzavot mahsulotlarini to‘g‘ridan-to‘g‘ri eksport qilishga ruxsat beriladi

Qonun hujjatlarini baholash tizimi portaliga “Xalq bilan muloqot va inson manfaatlari yili” Davlat dasturi loyihasi  joylandi . Unda ko‘zda tutilgan bir qator tadbirlar eksportni rivojlantirishga qaratilgan, deb yozadi Norma.

Foto: UzReport

Eksportchilar uchun tovar va xizmatlar eksportidan (xom ashyo tovarlari bundan mustasno) valyuta tushumining belgilangan qismini majburiy sotish bekor qilinishidan tashqari, boshqa quvonchli yangiliklar ham joriy etiladi.
Xususan, o‘zi ishlab chiqargan mahsulotlarni eksport qiluvchi korxonalarga belgilangan imtiyozlar mahalliy tovarlarni eksport qiluvchi savdo-vositachilik korxonalariga ham tadbiq etiladi. Bundan tashqari, barcha xo‘jalik yurituvchi subyektlarga meva-sabzavot mahsulotlarini to‘g‘ridan-to‘g‘ri eksport shartnomalari tuzish orqali eksport qilish huquqi beriladi.
Eksport qilish taqiqlangan ayrim tovarlarni (non va go‘sht mahsulotlari, tirik mol va parranda) ruxsatnoma asosida eksport qilish tizimi joriy etiladi. Foydalanilgan mashina, jihoz va texnikalarni eksport qilishni soddalashtiriladi va tartibi aniqlashtiriladi.
Nashr eslatishicha, loyihaga o‘zgartirish kiritilishi, qo‘shimcha qo‘shilishi yoki u rad etilishi ham mumkin.
Batafsil | Подробно | Read more... Daryo