Istomin dunyoning 2-raketkasini mag‘lub etgach, 1-raketka ham Australian Open–2017 ni tark etdi

Dunyoning birinchi raketkasi – britaniyalik 29 yoshli Endi Marrey Australian Open turnirining nimchorak finalida jahon reytingida 50-o‘rinda borayotgan germaniyalik tengdoshi Misha Zverevga qarshi bahs olib borib, kutilmaganda 5:7, 7:5, 2:6, 4:6 hisobida imkoniyatni boy berdi. Bu haqda musobaqa rasmiy saytida ma’lum qilindi .

Foto: Mirror

Mazkur hodisa o‘zbekistonlik Denis Istominning ikkinchi davrada jahon reytingida 2-pog‘onada borayotgan serbiyalik Novak Jokovichni turnirdan chiqarib yuborganidan keyingi katta sensatsiya bo‘ldi.

Foto: The Telegraph

Bunga qadar Marrey va Zverev ATP tasnifidagi turnirlarda atigi bir marta – 2015-yili Myunxendagi musobaqada to‘qnash kelgan. O‘shanda britaniyalik tennischi 6:2, 6:2 hisobida zafar quchgandi.

Foto: ATP

Ma’lumot uchun, yaqindagina ser unvoniga ega bo‘lgan Endi Marrey “Katta dubulg‘a” turkumidagi turnirlarda 10 marta finalga chiqib, shularning 3 tasida — US Open (2013) va “Uimbldon”da (2013 va 2016) g‘alaba qozongan.
Diqqat, diqqat! “Daryo”ning Telegram’dagi rasmiy kanali — “ Toshqin ‘Daryo’ ” ( @toshqindaryo )ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Batafsil | Подробно | Read more... Daryo