Olimlar sho‘x va o‘ynoqi baliqlarning bir lahzada qanday qilib muzlab qolgani haqida bosh qotirmoqda

Olimlar AQShning Janubiy Dakota ko‘lida bir to‘da baliqlarning qanday qilib, bir lahzada muzlab qolgani haqida bosh qotirmoqda, deb xabar berdi  “Darakchi.uz”.

Foto: “Darakchi.uz”

Yovvoyi tabiat milliy rezervati o‘zining Facebook sahifasiga fototanlovga qo‘yilgan suratlardan birini joylashtirdi. Unda o‘nlab baliqlarning to‘rt metrlik muz devori ichida muzlab qolgani aks etgan. Keyinroq bu fotosuratni AQSh ichki ishlar departamenti o‘zining Twitter mikroblogida bo‘lishgan.
Bu rasmni 2015-yilda o‘qituvchi va qush ovlovchi Kelli Prexeym suratga olgan. Fotosurat muallifining aytishicha, o‘sha payda Janubiy Dakotada kuchli qurg‘oqchilik bo‘lib, ko‘l suvi kamaygan. Ko‘lning yuza qismi qalin muz bilan qoplangan, oqibatda kislorod kamayganligi tufayli baliqlar bo‘g‘ilib, o‘lgan.
Olimlarning fikricha, muzli devor hosil bo‘lishining ikki sababi bor. Kun qattiq soviganda muz kengayib, qirg‘oqqacha yoriladi. Boshqa taxminga ko‘ra esa, kuchli shamol ichida baliqlar muzlagan suvni yuqoriga ko‘targan.
Diqqat, diqqat! “Daryo”ning Telegram’dagi rasmiy kanali — “ Toshqin ‘Daryo’ ” ( @toshqindaryo )ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Batafsil | Подробно | Read more... Daryo