Xitoyda salkam 15 mlrd dollar aktivga ega internet-kommunikatsiyalar investitsiya fondi faoliyatini boshladi

Xitoy hukumati 100 milliard yuan (14,5 milliard dollar) aktivga ega Xitoy internet-kommunikatsiyalar investitsiya fondi tuzilishini e’lon qildi. Bu haqda “TASS” xabar bermoqda .

Foto: IBnews

Shu munosabat bilan Pekinda yangi moliviy tashkilot ochilishiga bag‘ishlangan marosim bo‘lib o‘tdi. Uning ta’sischilari orasida Xitoy sanoat-savdo banki, yetakchi mobil operatorlari, investitsiya banklari bor.
Yangi fond mahalliy provayderlar, shuningdek, faoliyati interneti bilan bog‘liq kompaniyalarni qo‘llab-quvvatlashi va moliyaviy ko‘mak berishi kutilmoqda. Ushbu tashkilot yordamida mamlakatda bozor taraqqiyoti talablarini to‘liq qondiradigan xavfsiz internet yaratilishi rejalashtirilmoqda.
Xitoy taraqqiyot va islohotlar qo‘mitasi oldinroq hukumat tarmoq infrastrukturasiga 1,2 trillion yuan (170 milliard dollar) ajratishini ma’lum qilgandi. Natijada 2018-yilga kelib mamlakatning barcha shaharlari va posyolkalarining 90 foizi yuqori tezlikdagi internetga ulanadi.
Diqqat, diqqat! “Daryo”ning Telegram’dagi rasmiy kanali — “ Toshqin ‘Daryo’ ” ( @toshqindaryo )ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Batafsil | Подробно | Read more... Daryo