Bolgariyaning yangi prezidenti lavozimini bajarishga kirishdi

Bolgariya poytaxti Sofiyada mamlakatning beshinchi prezidenti Rumen Radevning inauguratsiya marosimi bo‘lib o‘tdi. Bu haqda “TASS” xabar bermoqda .

Foto: “Vesti”

22-yanvar, yakshanba kuni Toshkent vaqti bilan 14.00 da davlat rahbarligini zimmasidan soqit qilgan Rosen Plevneliyev oxirgi bor faxriy qorovulni saf torttirdi va ular oldiga birinchi marta yangi prezident chiqib keldi.
Qorovul raportidan keyin orkestr Bolgariya madhiyasini ijro etdi. Madhiya davomida oliy bosh qo‘mondon almashayotgani munosabati bilan zambaraklardan 21 bor to‘p otildi.
Shundan so‘ng Radev sobiq davlat rahbari bilan birga Noma’lum askar haykaliga gulchambar qo‘ydi va mamlakat ozodligi uchun halok bo‘lganlar xotirasini sukut saqlab yod etdi.
Diqqat, diqqat! “Daryo”ning Telegram’dagi rasmiy kanali — “ Toshqin ‘Daryo’ ” ( @toshqindaryo )ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Batafsil | Подробно | Read more... Daryo