Maksimilian Fomin
So‘nggi mavsumni “Buxoro” futbol klubida o‘tkazgan o‘zbekistonlik himoyachi faoliyatini Ummonning “Saham” klubida davom ettiradi, deb xabar berdi “Championat.asia” nashri. Futbolchining ummonliklar bilan shartnomasi qanchaga mo‘ljallangani aytilmagan.
Foto: “Championat.asia”
“Saham” 2013-yilgi mavsum Ummon chempionligini qo‘lga kiritgan bo‘lib, 2017-yil OFK kubogining guruh bosqichida ishtirok etadi. Bu Osiyo chempionlar ligasidan keyin qit’a klublarining ikkinchi raqamli nufuzli musobaqasi hisoblanadi.
Foto: “Championat.asia”
Fomin “Saham” safida bitta o‘rtoqlik o‘yinida maydonga tushib ulgurdi. “Lokomotiv”ning Osiyo chempionlar ligasidagi raqibi “At-Tavon” klubiga qarshi kechgan uchrashuv Maksimilian uchun Ummon klubidagi birinchisi bo‘ldi.
Fomin O‘zbekiston olimpiya terma jamoasidagi o‘yinlari orqali futbol muxlislariga yaxshi tanish. Samvel Babayan boshchilik qilgan jamoa Rio—2016 yo‘llanmasini qo‘lga kirita olmagach, Fomin muxlislar tanqidiga chiday olmay, Facebook sahifasi orqali ularni “iliq” so‘zlar bilan siylagan, keyinroq esa bundan afsuslanib, rasman uzr so‘ragandi .
Foto: “Championat.asia”
Sardor Rashidov
O‘zbekistonlik futbolchi harakat qilayotgan Qatarning “Al-Jaish” klubi Yulduzlar ligasining 17-turida yirik mag‘lubiyat qabul qilib oldi. O‘z maydonida “Ar-Rayyan” klubini qabul qilgan “Al-Jaish” 1:4 hisobida yengildi va raqibiga 3-pog‘onasini bo‘shatib berishga majbur bo‘ldi.
Foto: “Championat.asia”
Sardor Rashidov bellashuvda to‘liq ishtirok etdi, biroq jamoasini mag‘lubiyatdan qutqarib qola olmadi. Mazkur turda Sanjar Tursunov harakat qiladigan “Al-Haraytiyat” klubi ham yengilgan bo‘lsa, Temurxo‘ja Abduxoliqovning goli “As-Sayliya”ga 3 ochko taqdim etgandi.
Qatar Yulduzlar ligasi
17-tur
22-yanvar, yakshanba
“Al-Jaish” — “Ar-Rayyan” 1:4
Gollar: Sebastyan Soriya, 13-pen (0:1). Lukas Mendes, 30 (1:1). Serxio Garsiya, 33 (1:2). Rodrigo Tabata, 75 (1:3). Natan Otavio, 82 (1:4).
Malayziyadagilar
Bir emas ikki nafar o‘zbekistonlik futbolchilarni o‘z safiga qo‘shib olgan “T-Tim” o‘rtoqlik o‘yinlarida bir qator raqiblarni mag‘lub etib kelayotgandi. Rasmiy o‘yinda klub o‘z uyida ochko yo‘qotdi.
Foto: “Championat.asia”
Malayziya chempionatining 1-turida Farhod Tojiyev ham o‘rtoqlik o‘yinlarida urayotgan gollarini ura olmadi. Uning qatorida Dilshod Sharofutdinov ham boshlang‘ich tarkibda ko‘rinish berdi. Biroq bu holat “T-Tim”ning g‘alabasi uchun kamlik qildi.
Malayziya Super ligasi
1-tur
22-yanvar, yakshanba
“T-Tim” — “Saravak” 1:1
Gollar: Mohd Nurhakim, 50 (1:0). Roskam, 80 (1:1).
Foto: “Championat.asia”
Batafsil | Подробно | Read more... Daryo
Top News
-
Foto: Koreya prezidenti Samarqandning tarixiy obidalarini tomosha qildi.
O‘zbekiston va Janubiy Koreya prezidentlari hamda ularning rafiqalari Registon ansambli, Amir Temur maqbarasi, Mirzo Ulug‘bek rasadxonasi,...
-
Teng sheriklik, savdo va migratsiya: O‘zbekiston–Koreya aloqalari haqida mutaxassislar bilan suhbat.
Koreya Respublikasi prezidenti Yun Sok Yol 3 kunlik davlat tashrifi bilan O‘zbekistonda bo‘ldi. Rasmiy Toshkent ikki ma’muriyat davrida ham Koreya...
-
100 yil oldin O‘zbekistonda Qurbon hayiti qanday nishonlangan? Arxiv suratlar.
Arxivlarda o‘zbekistonliklar o‘tgan asrda Qurbon hayitini qanday nishonlaganiga oid fotolar, juda kam bo‘lsa-da, saqlanib qolgan. Asosiy tarixiy...
-
Mirziyoyev Qurbon hayiti arafasida Imom Buxoriy maqbarasini ziyorat qildi.
Shu bilan prezidentning Samarqandga tashrifi yakunlandi, davlat rahbari Toshkentga jo‘nab ketdi..
-
KXDR Janubiy Koreya bilan chegarada himoya devori qurishni boshladi - OAV.
Hozircha Shimoliy Koreyaning maqsadi noaniqligicha qolmoqda, devorning qanchalik baland yoki kengligi ham ma’lum emas..
-
Евро-2024'да илк бор бош мураббий огоҳлантириш олди
Европа чемпионатининг шанба куни бўлиб ўтган биринчи учрашуви якунига етди.