Arab koalitsiyasi samolyotlari yana Yamandagi to‘y marosimini bombardimon qildi

Saudiya Arabiston boshchiligidagi arab mamlakatlari koalitsiyasi tomonidan Damar provinsiyasida o‘tkazilayotgan to‘y marosimiga ikki bor aviazarba berildi. Buning oqibatida kamida 15 kishi halok bo‘ldi va 25 kishi jarohatlandi. Bu haqda Associated Press ma’lumotlariga tayanib, “Korrespondent.net” xabar bermoqda .

Foto: “Rossiyskaya Gazeta”

Aviazarbalar Yaman poytaxti Sanodan 113 kilometr uzoqlikdagi manzilga, isyonchi xusiylar tarafdori tomonidan o‘tkazilayotgan to‘y marosimiga qaratilgan. Koalitsiya bu hodisa yuzasidan hozircha hech qanday izoh bermadi.
Eslatib o‘tamiz, sentabr oyi oxirlarida al-Vahga qishlog‘ida o‘rnatilgan ikki to‘y chodiriga zarbalar berilishi tufayli aksariyati ayollar va bolalardan iborat bo‘lgan 130 dan ziyod odam halok bo‘lgandi . Koalitsiya bu hujumga aloqadorligini inkor etgan.
Batafsil | Подробно | Read more... Daryo