Yaponiyada suratga olishga tayyorgarlik chog‘ida sher 2 xodimga tashlanib, jiddiy jarohat yetkazdi

Yaponiyaning foto va teletasvirlar uchun hayvonlar saqlovchi Shonan Animal Production studiya-pitomnigining ikki nafar xodimiga sher tashlanib, jiddiy jarohat yetkazdi. Bu haqda Kyodo xabar berdi . 

Foto: Fotolia

Hodisa poytaxt Tokio yaqinidagi Narita shahrida ro‘y berdi. Qutqaruv xizmatiga suratga olishga tayyorgarlik chog‘ida 10 yoshli yirtqich qafasni tozalayotgan qarovchilarga hujum qilgani haqida xabar kelib tushdi. 50 yoshli ayol va 20 yoshli yigit bosh va oyog‘idan jiddiy jarohat oldi. 
Tozalashda yana bir xodima ishtirok etgan, ammo u jabrlanmadi. Sher zanjirband bo‘lgani uchun qafasdan qochib ketolmagan. Uning tajovuziga nima sabab bo‘lgani haqida xabar berilmagan.
Shonan Animal Production studiyasida yirtqich sherdan tashqari, leopard, ot, tuya, zebra, kenguru, maymun, it va mushuk kabi hayvonlar ham saqlanadi.
Diqqat, diqqat! “Daryo”ning Telegram’dagi rasmiy kanali — “ Toshqin ‘Daryo’ ” ( @toshqindaryo )ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Batafsil | Подробно | Read more... Daryo