Shavkat Mirziyoyev Vengriyaga hamdardlik bildirdi

O‘zbekiston Prezidenti Shavkat Mirziyoyev, Italiyaning Verona viloyatida Vengriya fuqarolari bo‘lgan avtobus ishtirokida yuz bergan yo‘l-transport hodisasi oqibatida ko‘plab odamlar qurbon bo‘lgani munosabati bilan, Vengriya prezidenti Yanosh Aderga hamdardlik bildirdi. Bu haqda O‘zbekiston Tashqi ishlar vazirligi matbuot xizmati xabar berdi .

Foto: “Gazeta.uz”

O‘zbekiston rahbari o‘z maktubida samimiy ta’ziya izhor etib, qurbon bo‘lganlar va jabrlanganlarning oila a’zolari va yaqinlariga hamdardlik tuyg‘ularini yetkazishni so‘radi.
“Gazeta.uz”ning yozishicha , Italiyada 21-yanvarga o‘tar kechasi Fransiyadan Vengriyaga ketayotgan sayyohlik avtobusi ko‘prikning ustuniga urilib, yonib ketdi.
Yo‘lovchilar orasida 14—18 yosh oralig‘idagi o‘quvchilar, ota-onalar va o‘qituvchilar — jami 55 kishi bo‘lgan. OAV axborotiga ko‘ra, hodisa oqibatida 16 kishi halok bo‘lgan.
Diqqat, diqqat! “Daryo”ning Telegram’dagi rasmiy kanali — “ Toshqin ‘Daryo’ ” ( @toshqindaryo )ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Batafsil | Подробно | Read more... Daryo