Vladivostok okeanariumidagi dengiz jonivorlarining o‘limiga odam aybdor deb ko‘rsatildi

Vladivostok okeanariumida 2016-yili halok bo‘lgan ikki delfin va Stark laqabli shalpangquloq tyulen kuch ishlatish yo‘li bilan o‘ldirilgan. Bu haqda Rossiya Fanlar akademiyasining Uzoq Sharq bo‘limi Dengiz biologiyasi ilmiy markazi direktori, akademik Andrey Adrianov ma’lum qildi, deya xabar bermoqda TJournal.

Foto: “Intefaks”

Adrianovning tasdiqlashicha, jonivorlarning o‘limiga dastlab xabar qilinganidek hovuzlarning texnik nosozligi emas, balki kimningdir qasddan amalga oshirgan harakati sabab bo‘lgan. Hozirgi vaqtda aybdorni izlash ishlari davom etmoqda.
Akademikning qayd etishicha, kimdir jonivorlarni qasddan o‘ldirishiga hech kim tayyor bo‘lmagan. Fojia ro‘y berganidan so‘ng, okeanariumdagi barcha jonivorlar kunu-tun kuzatuvga qo‘yilgan. Bundan tashqari, bir qator xodimlar ishdan ketgan, dekabrda esa muassasaga yangi direktor tayinlangan.
2016-yili Vladivostokdagi okeanariumda noma’lum sabablarga ko‘ra 10 ta jonivor halok bo‘ldi. Bu borada eng shov-shuvli voqealardan biri oktabr oxirida yuz berdi. O‘shanda Stark laqabli tyulen o‘lik holda topildi. Dastlabki ma’lumotlarga ko‘ra, uni tyulendan qo‘rqib ketgan okeanarium xodimlaridan biri boshiga bolg‘a bilan urib, o‘ldirgan bo‘lishi mumkin.
Diqqat, diqqat! “Daryo”ning Telegram’dagi rasmiy kanali — “ Toshqin ‘Daryo’ ” ( @toshqindaryo )ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Batafsil | Подробно | Read more... Daryo