Tashqaridan Mercedes, aslida esa ko‘chirma: “Premium” mashinalarning xitoycha klonlari (fotogalereya)

“Motor” nashri tashqaridan Mercedes-Benz, BMW, Porsche, Rolls-Royce  va xatto Ferrari’ga o‘xshash avtomobillarning xitoycha variantlari aks etgan suratlarini bir sahifaga jamladi .
BYD F8 (S8)
Mercedes-Benz kompaniyasi avtomobillari xitoylik dizaynerlar uchun “ilhom manbai” hisoblanadi. Xitoyning BYD F8 mashinasi Mercedes-Benz’ning CLK modeli asosida yaratilgan.

Foto: “Motor”

Mazkur avtomobil dvigatel hajmi 2 litrga teng 4 silindli motor bilan jihozlangan. BYD F8 140 ot kuchiga ega.

Foto: “Motor”

BAIC BJ80
Mercedes-Benz’ning yana bir kloni – xitoycha Gelandewagen. Mashina ko‘rinishi, kuzovi va hatto disklari ham Gelandewagen’ning original variantiga o‘xshatib qilingan.

Foto: “Motor”

Ammo BAIC BJ80 ning xarakteristikasi yuqori darajada emas. Mashinaning dvigatel hajmi 2,4 va 2,7 litrga teng variantlari bor. Shuningdek, xitoyliklar ushbu modelda Land Rover Defender’ning elementlaridan foydalangan.

Foto: “Motor”

BAIC BJ90
BJ90 modeli Mercedes GL X164 kuzovidan “ko‘chirma” olgan. Uning nafaqat ko‘rinishi, balki xarakteristikalari ham ko‘chirilgan.

Foto: “Motor”

Mashina 3 va 4 litrli mos ravishda 333 va 422 ot kuchiga teng turbomotor bilan jihozlangan. Mazkur modelning taqdimoti 2010-yili bo‘lib o‘tgandi.

Foto: “Motor”

Hawtai B35
Qo‘lning yengil harakati bilan Porsche avtomobili Hawtai B35 ga aylanadi. Aslida ushbu mashinada Jaguar XF va Audi Q7 genlarini uchratish mumkin. Ammo kuzov proporsiyalari Porsche Cayenne’ni eslatadi.

Foto: “Motor”

Albatta, Hawtai B35 modelining motori Cayenne’niki singari kuchli emas. Avtomobilning 1,8 va 2,0 litrli har biri mos ravishda 150 va 160 ot kuchiga teng benzinli turboagregat variantlari bor.

Foto: “Motor”

Geely GE
2010-yilda Xitoy 3D-printeri Rolls-Royce Phantom modelini klon qildi. Geely kompaniyasi tomonidan yaratilgan GE modeli Buyuk Britaniya kompaniyasi limuziniga o‘xshashligini payqash qiyin emas.

Foto: “Motor”

Interyerning asosiy ustunligi – orqa tomonning markaziga o‘rnatilgan yagona o‘rindiq. Geely GE mahalliy bozor uchun ishlab chiqarilgan va uni dunyoning boshqa mamlakatlarida uchratib bo‘lmaydi.

Foto: “Motor”

Qingdao Soar Automobile
O‘zingizni aldashga yo‘l qo‘ymang – bu 1960-yillarda ishlab chiqarilgan Rolls-Royce Phantom emas, balki Xitoyning Qingdao Soar Automobile kompaniyasining nuxsasi.

Foto: “Motor”

Mashina krash-testlar bilan mashhur bo‘lgan Brilliance BS6 asosida yaratilgan.

Foto: “Motor”

Jinma JMW 2200
Jinma JMW 2200 modeli BMW i3 elektrokariga o‘xshatilganini, ammo buning uddasidan chiqilmaganini ko‘rish mumkin.

Foto: “Motor”

Xitoycha elektromobil soatiga 50 kilometr tezlikka erisha oladi. Uning bitta quvvatlanishi 120 kilometr masofaga yetadi.

Foto: “Motor”

Eagle Came
Xitoyliklar Porsche va Ferrari avtomobillarini “boshini qovushtirishga” muvaffaq bo‘ldi. Natijada Eagle Came modeli dunyoga keldi.

Foto: “Motor”

Mashinaning old qismi Ferrari California T modelini eslatsa, orqa qismi Porsche Cayman’ga o‘xshaydi. Hatto mashina emblemasi ham Porsche’nikiga o‘xshab ketadi.

Foto: “Motor”

Diqqat, diqqat! “Daryo”ning Telegram’dagi rasmiy kanali — “ Toshqin ‘Daryo’ ”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Batafsil | Подробно | Read more... Daryo