Italiyada qor ko‘chkisi ostida qolgan mehmonxonadagi qurbonlar soni 14 nafarga yetdi

Italiya markazidagi Gran-Sasso tog‘li hududida joylashgan Rigopiano di Farindola mehmonxonasining qor ko‘chkisi ostida qolishi natijasida qurbon bo‘lganlar soni 14 nafarga yetdi. Bu haqda ANSA  axborot agentligi  xabar berdi .

Foto: ANSA

Avvalroq voqea qurbonlari soni 9 kishiga yetgani haqida xabar berilgan edi . O‘tgan tunda vayronalar ostidan uch erkakning jasadi chiqarib olindi. Keyinroq yana ikki ayolning jasadi vayronalar ostidan topilgan. Shunday qilib, bedarak ketganlar soni 15 kishini tashkil qilmoqda.
Qor ko‘chishi vaqtida mehmonxonada bo‘lgan 30 kishidan vayronalar ostidan chiqarib olingan 9 kishi, shu jumladan, 4 nafar yosh bola omon qolgan. Shuningdek, halokat sodir bo‘lishidan biroz oldin mehmonxonadan chiqib ketgan ikki kishi ham tirik qolgan.
Qidiruv-qutqaruv ishlari davom etmoqda. Prokuratura hodisa yuzasidan dalillarni o‘rganmoqda.
Diqqat, diqqat! “Daryo”ning Telegram’dagi rasmiy kanali — “ Toshqin ‘Daryo’ ” ( @toshqindaryo )ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Batafsil | Подробно | Read more... Daryo