Sud Volkswagen va AQSh o‘rtasidagi kelishuv bitimini ma’qulladi

Kaliforniya shtatinng Shimoliy okrug sudi “dizel mojarosi”ni tartibga solish ishlari doirasida nemis avtokonserni Volkswagen bilan Amerika hukumati va avtomobil egalari o‘rtasidagi kelishuv bitimini ma’qulladi. Bu haqda “Korrespondent.net”  xabar berdi .

Foto: “Tagesschau.de”

Sudya Charlz Breyerning qarorida ta’kidlanishicha, tomonlarnng kelishuvi “adolatli, chuqur o‘ylangan va munosib”. Kelishuvga asosan, Volkswagen’ning AQShdagi 652 ta avtodileriga 1,2 milliard dollar, o‘rta hisobda har bir dilerga 1,85 million dollar, miqdorida kompensatsiya to‘lashi nazarda tutilgan.
Qo‘shimcha to‘lov va xizmatlarni hisobga olganda, nemis konserni tomonidan jabrlanuvchi tomonga to‘lanishi kerak bo‘lgan umumiy summa 1,6 milliard dollarni tashkil qiladi.
Avvalroq Volkswagen’ning AQSh hukumatiga “dizel mojarosi” tufayli umumiy hisobda 18,2 milliard yevro to‘lashi ma’lum bo‘lgan edi . Shuningdek, AQSh hukumati Volkswagen’ni 2009 – 2015 yillarda mamlakat bozoriga kiritgan qariyb yarim million avtomobilni qaytarib olishga majbur qilgandi.
Diqqat, diqqat! “Daryo”ning Telegram’dagi rasmiy kanali — “ Toshqin ‘Daryo’ ” ( @toshqindaryo )ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Batafsil | Подробно | Read more... Daryo