Pekinda O‘zbekiston—Xitoy siyosiy maslahatlashuvlarining navbatdagi raundi bo‘lib o‘tdi

Pekinda 24-yanvar kuni O‘zbekiston—Xitoy vazirliklararo siyosiy maslahatlashuvlarining navbatdagi raundi bo‘lib o‘tdi. Bu haqda O‘zbekiston Tashqi ishlar vazirligi matbuot xizmati xabar bermoqda .

Foto: O‘zA

Muzokaralar davomida siyosiy, savdo-iqtisodiy, investitsion, madaniy-gumanitar va boshqa sohalardagi munosabatlarning holati va ularni chuqurlashtirish istiqbollari hamda Xitoy rahbari Si Szinpinning 2016-yil 21—22-iyundagi O‘zbekistonga tashrifi doirasida erishilgan kelishuvlarni amalga oshirish jarayoni batafsil muhokama qilingan.
“Uchrashuvda bo‘lajak yuqori va oliy darajadagi tashriflarga tayyorgarlik jarayoni ko‘rib chiqildi”, — deyiladi TIV axborotida.
Shu kunning o‘zida Pekin shahrida Hamkorlik bo‘yicha O‘zbekiston—Xitoy hukumatlararo qo‘mitasining xavfsizlik sohasida hamkorlik bo‘yicha quyi qo‘mitasining navbatdagi majlisi bo‘lib o‘tib, unda mazkur sohadagi hamkorlik sarhisob qilindi va istiqbollari belgilab olindi, xalqaro va mintaqaviy muammolar yuzasidan fikr almashildi.
Diqqat, diqqat! “Daryo”ning Telegram’dagi rasmiy kanali — “ Toshqin ‘Daryo’ ” ( @toshqindaryo )ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Batafsil | Подробно | Read more... Daryo