NATO o‘z qo‘shinlarini Janubga, jumladan, Turkiyaga joylashtirishga tayyor

NATO bosh kotibi Yens Stoltenberg Alyans zarur bo‘lganida, o‘z kuchlarini Janubga, jumladan, Turkiyaga joylashtirishga tayyorligini aytdi, deb yozadi “Segodnya.ua”.

Foto: “Cdm.me”

“NATO barcha ittifoqdoshlarini, jumladan, Turkiyani ham har qanday xavfdan himoya qilishga tayyor. Kuchlarimiz shayligini oshirishimiz, NATO Javob kuchlari sonini ikki barobar ko‘paytirishimiz, birgalikdagi Yuqori shaylik kuchlarini tuzishimiz — bularning barchasi Sharq va Janubdan bo‘layotgan chaqiriqlarga javobimizdir. NATO Suriyadagi vaziyatga javob ko‘rsatishni boshlab yuborgan, Janubda, jumladan, Turkiyada ham, bunga zarurat bo‘lsa, kuchlarni joylashtirishga tayyormiz”, — dedi Stoltenberg.
Bosh kotib bu yaqinda Rossiya samolyotlarining Turkiya havo hududiga bostirib kirgani bilan bog‘liq vaziyatda ayniqsa muhim ekanligini ta’kidladi.
Batafsil | Подробно | Read more... Daryo