Singapur davlat investitsiya fondi 1 mlrd dollar evaziga Uoll-stritda osmono‘par bino xarid qildi

Singapur davlat investitsiya fondi (Government Investment Corporation, GIC) AQShning Paramount Group investitsiya-trast fondi bilan hamkorlikda Nyu-Yorkda, Uoll-stritda joylashgan osmono‘par binolardan birini xarid qildi. Kelishuv bitimi 1,04 milliard dollarga baholanmoqda, deb  xabar beradi “TASS”.

Foto: AP

Singapur fondi maydoni 148 ming kvadrat metrdan oshiq 47 qavatli bino aksiyalarining 95 foiziga egalik qiladi. Hozirda bu yerda Deutsche Bank’ning Amerikadagi shtab-kvartirasi joylashgan. Germaniya bnki yaqinda binodagi barcha xonalar ijarasini 2022-yilgacha uzaytirgandi.
Ma’lumot uchun, GIC dunyoning eng yirik suveren fondlari o‘nligiga kiradi.
Diqqat, diqqat! “Daryo”ning Telegram’dagi rasmiy kanali — “ Toshqin ‘Daryo’ ” ( @toshqindaryo )ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Batafsil | Подробно | Read more... Daryo