“Shanxay SIPG” 10 ta gol farqi bilan zafar quchdi. Odil Ahmedov nechta gol urdi?

Yangi mavsumga tayyorgarlikni Shanxayda davom ettirayotgan “Shanxay SIPG” mahalliy “Sziadzing Botszi” klubiga qarshi o‘rtoqlik o‘yinida maydonga tushdi. Bu haqda “Sports.uz” nashri xabar berdi .

Foto: “Sports.uz”

Bellashuv Villash-Boash boshchilik qilayotgan klubning 10:0 hisobidagi g‘alabasi bilan yakunlandi. Gollarning o‘ndan biriga O‘zbekiston milliy terma jamoasi sardori Odil Ahmedov mualliflik qildi. U gol urguniga qadar shanxayliklar 1:0 hisobida oldinda borayotgandi.


Odil Ahmedov “Shanxay SIPG” safidagi birinchi golini Saudiya klubi darvozasiga urdi


Braziliyalik Xalk uchrashuvda o‘z hisobiga 2 ta gol yozib qo‘ygan. Qolgan legioner futbolchilar qanday natija qayd etganiga oydinlik kiritilmagan.
Ma’lumot uchun, “Shanxay SIPG” bunga qadar Qatar yig‘inida ishtirok etgandi. Xitoy Super ligasida 2017-yilgi mavsum 4-mart kuni start oladi.
Qayd etish kerak, Odil Ahmedov jamoadoshlari mavsumni rasman 7-fevral kuni Osiyo chempionlar ligasi doirasida boshlaydi. Uning raqibi 31-yanvar kuni bo‘lib o‘tadigan o‘tish bosqichi o‘yinidan keyin aniq bo‘ladi.
Batafsil | Подробно | Read more... Daryo