“Milan”ni mag‘lub etgan “Yuventus” Italiya kubogi yarim finaliga, “Monako” esa Fransiya liga kubogi finaliga yo‘l oldi

Turinning “Yuventus” klubi Italiya kubogi uchun kurashni davom ettiradi. Kubokning amaldagi egasi chorak finalda “Milan”ga chiqish eshiklarini ko‘rsatib qo‘ydi.

Foto: Getty Images

Uchrashuvning 21-daqiqasi ortda qolgan bir paytda “Yuventus” 2 ta gol farqi bilan oldinga chiqib olgandi. Turinliklar bu ustunlikni o‘yin yakuniga qadar saqlab qola oldi.
Ikkinchi bo‘limga kelib milanliklardan Karlos Bakka hisobni tenglashtirib, jamoadoshlarini umidlantirgan bo‘lsa, bir daqiqadan keyin Lokatelli qizil kartochka olib, Vinchenso Montella shogirdlarini yana qiyin ahvolga solib qo‘ydi. Uchrashuvning uchdan bir qismida son jihatdan ko‘proqni tashkil qilgan “Yuventus” kerakli natijani qayd eta oldi.



“Yuventus” yarim finalda Neapolning “Napoli” klubi bilan to‘qnash keladi. Bir kun muqaddam “Napoli” “Fiorentina” ustidan zafar quchib, yarim final chiptasini qo‘lga kiritgandi .
Ma’lumot uchun, joriy mavsum hisobidan “Milan” “Yuventus”ga qarshi ikki o‘yinda ishtirok etib, har ikkisida ham o‘ziga kerakli natijani qayd eta olgandi. Chempionatning Milandagi o‘yinida “keksa senyora” 1:0 hisobida mag‘lub etilgan bo‘lsa, mamlakat Superkubogi uchun Qatarda kechgan o‘yinda ham g‘oliblik “Milan”ga nasib qilgandi .
Italiya kubogi
1/4 final
25-yanvar, chorshanba
“Yuventus” — “Milan” 2:1
Gollar: Paulo Dibala, 10 (1:0). Miralem Pyanich, 21 (2:0). Karlos Bakka, 53 (2:1).
Chetlatish: Manuel Lokatelli, 54 (M).
31-yanvar, seshanba
“Inter” — “Latsio”
1-fevral, chorshanba
“Roma” — “Chezena”
Fransiya liga kubogida final ishtirokchilari aniq bo‘ldi.

Foto: Getty Images

24-yanvar kuni Unai Emeri boshqaruvidagi “PSJ” 4:1 hisobidagi g‘alabasi evaziga hal qiluvchi o‘yin chiptasini qo‘lga kiritgan, bellashuvda kiritilgan barcha gollarga Janubiy Amerika futbolchilari mualliflik qilgandi. Bu safar Fransiya chempionati peshqadami “Monako”ning muvaffaqiyatini ham amerikalik futbolchi ta’minladi. Radamel Falkao tomonidan urilgan yagona gol “Monako”ni final sari yetakladi.
Ma’lumot uchun, “Monako” Fransiya birinchi divizionida “PSJ”dan 3 ochkoga o‘zib ketgani holda peshqadam bo‘lib turibdi.
Fransiya liga kubogi
Yarim final
25-yanvar, chorshanba
“Monako” — “Nansi” 1:0
Gol: Radamel Falkao, 45+2 (1:0).
Batafsil | Подробно | Read more... Daryo