O‘zbekiston Senatida Qozog‘istonning Qizilo‘rda viloyati hokimi bilan uchrashuv bo‘lib o‘tdi

O‘zbekiston Oliy Majlisi Senati raisining birinchi o‘rinbosari Sodiq Safoyev 27-yanvar kuni Qozog‘istonning Qizilo‘rda viloyati hokimi Qirimbek Ko‘sherbayev boshchiligidagi delegatsiya bilan uchrashdi. Bu haqda Oliy Majlis Senati axborot xizmati xabar bermoqda .

Foto: Oliy Majlis Senati axborot xizmati

Suhbat chog‘ida O‘zbekiston va Qozog‘iston o‘rtasidagi hamkorlik istiqbollari yuzasidan fikr almashilgan.
Ikki mamlakat o‘rtasidagi qulay geografik va madaniy-gumanitar sharoitlarning yaqinligi o‘zaro siyosiy, savdo-iqtisodiy va sarmoyaviy hamkorlikni yanada mustahkamlashga yordam berishi ta’kidlandi.
Shuningdek, mintaqalararo hamkorlikni yanada rivojlantirish hamda O‘zbekiston va Qozog‘iston o‘rtasidagi muntazam aloqalarni to‘g‘ridan-to‘g‘ri tashkil etish masalalari muhokama qilindi.
Diqqat, diqqat! “Daryo”ning Telegram’dagi rasmiy kanali — “ Toshqin ‘Daryo’ ” ( @toshqindaryo )ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Batafsil | Подробно | Read more... Daryo