Dizaynerlar kelajak smartfoni konseptini yaratdi (foto)

Dizaynerlar Filip Stark va Jerom Olivye Alo kelajak smartfonining g‘aroyib konseptini taqdim etdi, deb yozadi “Hi-tech.mail.ru”.

Foto: “Hi-tech.mail.ru”

Alo — futuristik materiallardan yasalgan o‘ziga xos “ajdar tishi” bo‘lib, u tasvirni havoda proyeksiyalab ko‘rsatadi, shu sababli, an’anaviy rangli ekranga ehtiyoj sezmaydi. Kelajak smartfoni ovoz orqali boshqariladi va yuzlarni tanib olish qobiliyatiga ega.

Foto: “Hi-tech.mail.ru”


Foto: “Hi-tech.mail.ru”

Alo korpusi egiluvchan bo‘lib, yarim shaffof materialdan tayyorlangan, elektron komponentlar esa alyuminiy o‘zakka kiritilgan. Smartfonda odatiy tugmalar yo‘q. Matn terish ehtiyoji ham mavjud emas — kerakli narsani aytish kifoya.

Foto: “Hi-tech.mail.ru”


Foto: “Hi-tech.mail.ru”

Alo uch o‘lchamli gologrammalarni hosil qila oladi — bu video va boshqa grafikani ko‘rishning yangi usuli. Telefon vibratsiyalar va haroratini o‘zgartirish orqali foydalanuvchi bilan aloqa qiladi. Smartfonning yuza qismi yetgan zarardan so‘ng o‘zini qayta tiklay oladigan materialdan yasaladi.

Foto: “Hi-tech.mail.ru”


Foto: “Hi-tech.mail.ru”

Stark konseptni seriyali ishlab chiqarishni yo‘lga qo‘ymoqchi. Ammo bu qachon mumkin bo‘lishi noma’lum.
Batafsil | Подробно | Read more... Daryo