Pekin rasmiylari smogga qarshi kurashish uchun yangi yil sharafiga mushakbozlik uyushtirmaslikka chaqirdi

Pekin rasmiylari shahar aholisiga namuna bo‘lish va smog bilan kurashga hissa qo‘shish uchun mahalliy mansabdorlarni Xitoy yangi yili sharafiga mushakbozliklar uyushtirmaslikka chaqirdi. Bu haqda “Kommersant” xabar bermoqda .

Foto: Reuters

Oy taqvimi bo‘yicha o‘tkaziladigan Xitoy yangi yili 28-yanvar, shanba kuniga to‘g‘ri keladi. Tantanalar bir hafta davom etadi, ushbu bayram sharafiga yovuz ruhlarni quvib, omad keltiradi deb hisoblangani uchun mushakbozlik uyushtirish odat bo‘lib qolgan.
Rasmiylar tomonidan 26-yanvar, payshanba kuni e’lon qilingan bayonotda mansabdor shaxslar mushakbozlik avj olmasligi uchun tashabbus ko‘rsatishlari lozimligi ta’kidlangan. Ular tomonidan Pekindagi pirotexnika sotiladigan punktlar soni o‘tgan yilgi 719 tadan bu yil 511 tagacha qisqartirildi.
Diqqat, diqqat! “Daryo”ning Telegram’dagi rasmiy kanali — “ Toshqin ‘Daryo’ ” ( @toshqindaryo )ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Batafsil | Подробно | Read more... Daryo