Tramp Obama ma’muriyati Falastinga o‘tkazib berishga qaror qilgan 221 mln dollarni muzlatdi

Donald Tramp ma’muriyati Falastin rasmiylariga Obama kabineti tomonidan muxtoriyat uchun ajratilgan 221 million dollar miqdoridagi o‘tkazmalar muzlatilishini ma’lum qildi. Bu haqda The Times of Israel nashriga muxtoriyatning yuqori martabali manbasi ma’lum qildi, deya xabar beradi “TASS”.

Foto: AP

AQSh tomoni Falastin bosh vaziri Rami Hamdallaga yaqin orada pullar o‘tkazib berilishini kutmaslik lozimligini ma’lum qilgan.
Davlat departamentiga ko‘ra, mablag‘ ajratilishi haqidagi qaror sobiq Davlat kotibi Jon Kerri tomonidan hokimiyatda bo‘lib turgan oxirgi daqiqalarda, Kongress e’tiroziga qaramay qabul qilingan. Endi ushbu qaror Tramp ma’muriyatining ustuvor yo‘nalishlarini inobatga olib, qayta ko‘rib chiqiladi.
Ma’lumot uchun, 2016-yili yuqoridagi summani hisobga olmaganda ham Falastin muxtoriyatiga AQSh hukumati tomonidan 250 million dollar ajratilgan.
Diqqat, diqqat! “Daryo”ning Telegram’dagi rasmiy kanali — “ Toshqin ‘Daryo’ ” ( @toshqindaryo )ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Batafsil | Подробно | Read more... Daryo