Tramp Obamadan oldingi prezidentlar qabul qilgan hujjatlarni ham qayta ko‘rib chiqishi mumkin

AQShning yangi ma’muriyati nafaqat Barak Obama, balki undan oldingi prezidentlar davrida qabul qilingan atrof-muhit himoyasi bilan bog‘liq normativ hujjatlarni qayta ko‘rib chiqishi mumkin. Bu haqda Trampning o‘tish jamoasi a’zosi, Raqobatbardosh tadbirkorlik instituti katta ilmiy xodimi Miron Ebell ma’lum qildi, deya xabar beradi “Gazeta.ru”.

Foto: AP

Federal qonunlarning ko‘rib chiqilishi chuqurroq bo‘ladi va faqat ularning to‘xtatib qo‘yish bilan cheklanmaydi. Yangi tayinlangan mansabdorlar ular bilan tanishish imkoniyatiga ega bo‘lishi bilan ulardan ayrimlari to‘liq bekor qilinishi mumkin. Qonun loyihalariga kuchli zarba guvohi bo‘lasizlar deb o‘ylayman.
Miron Ebell, AQSh prezidenti Donald Trampning o‘tish jamoasi a’zosi
Ekspertning fikricha, Tramp Atrof-muhitni himoya qilish agentligini iqtisodiyotning yirik sektorlari, jumladan, resurs va ishlab chiqarish sektorlari rivoji uchun to‘siq deb qaramoqda.
Diqqat, diqqat! “Daryo”ning Telegram’dagi rasmiy kanali — “ Toshqin ‘Daryo’ ” ( @toshqindaryo )ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Batafsil | Подробно | Read more... Daryo