Afg‘oniston va Tojikiston fuqarolari ham Hazrati Hizrda Islom Karimov xotirasiga hurmat-ehtirom bildirmoqda

2016-yil 3-sentyabr kuni O‘zbekistonning Birinchi Prezidenti Islom Karimov Samarqand shahrida dafn etilgan edi . Shu kundan buyon Hazrati Xizr majmuasidan o‘zbekistonliklar, xorijlik mehmonlar qadami uzilgani yo‘q, deya Samarqand shahridagi Hazrati Xizr yodgorlik majmuasi rahbari Mahmudxon Muxtorovning so‘zlaridan iqtibos keltirmoqda O‘zA.

Arxiv kadri

Majmua rahbarining so‘zlariga ko‘ra, har kuni O‘zbekistonning turli burchaklaridan, xorijiy davlatlardan kishilar kelib, Islom Karimov xotirasiga o‘z hurmat-ehtiromlarini bildirmoqda, “bugun Samarqandga kelayotgan har bir inson ziyoratni ushbu maskandan boshlamoqda”.
Yaqinda Afg‘onistonning Mozori Sharif shahridan kelgan bir yigit “Ruxsat bersangiz, o‘zim tilovat qilsam”, dedi va ko‘zda yosh bilan oyat o‘qidi. Tilovatdan so‘ng, afg‘on xalqi Islom Karimovning vafotini o‘z musibati, deb bilgani va bu yerni ziyorat qilishni ular o‘zlari uchun katta sharaf, deb bilishini aytdi.
Kuni kecha Tojikistonning uzoq tog‘li qishlog‘idan kelgan mehmon 94 yoshli onasi nomidan ham bu muqaddas maskanni ziyorat qilish niyati borligi, bu volidasining o‘tinchi ekanini aytdi.
Mahmudxon Muxtorov, Samarqand shahridagi Hazrati Xizr yodgorlik majmuasi rahbari
Eslatib o‘tamiz, O‘zbekiston Prezidenti Shavkat Mirziyoyev 25-yanvar kuni “O‘zbekiston Respublikasining Birinchi Prezidenti Islom Abdug‘aniyevich Karimovning xotirasini abadiylashtirish to‘g‘risida”gi qarorni imzoladi.
Unga ko‘ra, Samarqand shahrida Islom Karimov haykali o‘rnatiladi , Birinchi Prezidentga bag‘ishlangan muzey va yodgorlik majmuasi tashkil etiladi.
Diqqat, diqqat! “Daryo”ning Telegram’dagi rasmiy kanali — “ Toshqin ‘Daryo’ ” ( @toshqindaryo )ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Batafsil | Подробно | Read more... Daryo