AQShda avtomobillarni supermarketlar orqali sotish yo‘lga qo‘yiladi

Amerikaning yirik Walmart chakana savdo tarmog‘ida avtomobillar savdosi boshlanadi. Supermarketlarda yangi va eski avtomobillarni internet orqali tanlash uchun maxsus terminallar ochiladi. Avtomobil tanlanganidan keyin tizim mijozga kerakli dilerlik markaziga borishni taklif qiladi. Bu haqda “Motor” xabar berdi .

Foto: Automotive News

Loyiha amalga oshiriladigan internet-platforma CarSaver deb nomlanadi. Avtomobilni tanlash bilan birga, tizim to‘lov usulini tanlashga va sug‘urtani rasmiylashtirishga ham imkon beradi.
Jarayon sensor ekranli terminallar orqali amalga oshiriladi. Dastlab terminallar Walmart tarmog‘ining 25 ta do‘koniga o‘rnatiladi. Har qanday savol yuzasidan telefon orqali qo‘llab-quvvatlash markaziga bog‘lanish mumkin.
Ayni vaqtda, CarSaver to‘lovlarda ishtirok etmaydi — hisob-kitoblar xaridor va sotuvchi o‘rtasida bevosita amalga oshirilishi kerak, CarSaver esa amalga oshirilgan savdo bo‘yicha dilerdan haq oladi.
O‘tgan yili Walmart va CarSaver dasturning pilot versiyasini Floridada ishga tushirgan edi. Bu dasturda 20 ta avtomarkaz ishtirok etdi.
Tizimdan foydalanilgan holatlarning yarmidan ko‘pi avtomobil xaridi bilan yakunlandi, mijozlar esa bozordagi o‘rtacha narxga nisbatan uch ming dollardan ko‘proq pul tejab qoldi.
Diqqat, diqqat! “Daryo”ning Telegram’dagi rasmiy kanali — “ Toshqin ‘Daryo’ ” ( @toshqindaryo )ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Batafsil | Подробно | Read more... Daryo