Britaniyalik xarid qilmagan televizorini do‘konga “qaytarib”, 400 dollardan oshiq pulni olib ketdi

Linkolnshir grafligidan bo‘lgan britaniyalik Aldi’s Lincoln do‘konidan “xarid qilgan” televizorini qaytarib, buning evaziga 330 funt (410 dollardan oshiq) olishga muvaffaq bo‘ldi. Bu haqda Meduza  xabar bermoqda .

Foto: Daily Mail

Graflik politsiyasiga ko‘ra, 2-yanvar kuni erkak do‘kon peshtaxtasida turgan televizorlardan birini olib, kassaga boradi. Kassirga xarid qilgan mahsulotini qaytarmoqchi ekanligi, biroq uning cheki yo‘qligini ma’lum qiladi.
Shundan keyin firibgar do‘kon menejeri oldiga borib, u bilan gaplashdi va qo‘l siqishib qo‘ydi, keyin esa kassaga qaytdi. Kassir menejer operatsiyani ma’qulladi deb o‘ylab, “mijoz”ga 329,99 funtni “qaytarib” berdi. Erkak pulni olib, do‘konni tark etdi. Hozir firibgarga nisbatan qidiruv e’lon qilingan.
Diqqat, diqqat! “Daryo”ning Telegram’dagi rasmiy kanali — “ Toshqin ‘Daryo’ ” ( @toshqindaryo )ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Batafsil | Подробно | Read more... Daryo