Italiyada yo‘lbars ko‘chma sirkdan qochib ketdi (video)

Sitsiliyada Oskar laqabli Bengaliya yo‘lbarsi ko‘chma sirkdan qochib ketdi va oshxona buyumlari do‘koni yoniga yotib olib, mahalliy fuqarolarni qattiq qo‘rqitib yubordi. Bu haqda The Daily Mail’ga tayanib, “RIA Novosti” xabar berdi .

Foto: “RIA Novosti”

Yirtqich xo‘jayinlari qo‘lidan erta tongda qochib ketdi va bir necha soat davomida Palermo shahri ko‘chalari bo‘ylab sayr qildi. Yo‘ldan o‘tib ketayotgan avtomobillar haydovchilari uni ko‘rib qolgach, politsiyani chaqirdi.
Videoyozuvda yirtqich hayvon avtomobillar turargohida devordan ichkariga mo‘ralab turgan odamlarga ko‘z qirini tashlagan holda bemalol yurib ketayotganini ko‘rish mumkin. Hayvonni tutish uchun mahalliy shossedagi transport harakati to‘xtatib qo‘yildi. Politsiya jonivorga ozor bermaslik uchun unga trankvilizator otish o‘rniga, uni qafasga aldab kiritishga qaror qildi. Natijada yirtqichni tutib, sirkka qaytarib olib borishdi.
Ayni paytda yo‘lbars qay tariqa qochib keta olgani noma’lum.




Batafsil | Подробно | Read more... Daryo