Navbatdagi sensatsiya: Senegal va Tunis Afrika millatlar kubogida g‘olib bo‘lish imkoniyatini yo‘qqa chiqardi

Futbol bo‘yicha Afrika millatlar kubogida g‘olib bo‘lish Senegal va Tunis terma jamoalariga ham nasib qilmaydigan bo‘ldi. Ular chorak finalda imkoniyatni boy berib, Gabon mezbonlik qilayotgan turnirni tark etdi.

Foto: Afrika millatlar kubogi

Tunislik futbolchilar yarim final chiptasi uchun Burkina-Fasoga qarshi kurash olib bordi va 2 ta gol farqi bilan imkoniyatni boy berdi. Tomonlar 80 daqiqa davomida bir-birining darvozasiga yo‘l topa olmagandi. So‘nggi 10 daqiqada tunislik futbolchilar 2 ta to‘p o‘tkazib yubordi.
G‘oliblik uchun asosiy da’vogarlardan biri sifatida e’tirof etilgan Senegal esa Kamerun darvozasiga gol ura olmay, penaltilar seriyasida imkoniyatni boy berib qo‘ydi.
Bugun — 29-yanvar kuni chorak finalning yana ikki o‘yini bo‘lib o‘tadi. Unda ganaliklar Kongo Demokratik Respublikasini sinovdan o‘tkazsa, Afrika shimolidagi ikki mamlakat — Misr va Marokash o‘zaro hisob-kitob qiladi.
Afrika millatlar kubogi
1/4 final
28-yanvar, shanba
Burkina-Faso — Tunis 2:0
Gollar: Aristid Banse, 81 (1:0). Prejyus Nakulma, 85 (2:0).
Senegal — Kamerun 0:0 (pen — 4:5)
29-yanvar, yakshanba
Kongo DR — Gana
Misr — Marokash
Batafsil | Подробно | Read more... Daryo