Avstraliyadagi hayvonot bog‘i o‘rgimchaklarni tutishda shahar ahlidan yordam so‘radi

Avstraliyadagi sudralib yuruvchilar bog‘i xodimlari mahalliy aholidan zaharli Sidney o‘rgimchagini tutib, maxsus qabul punktlariga topshirishda yordam so‘radi. Bu haqda “Gazeta.ru” xabar berdi .

Foto: WeekendNotes

O‘rgimchaklar ularga qarshi darmon-dori tayyorlash uchun zarur. Mazkur darmon-dori tufayli Avstraliyada 1981-yildan beri o‘rgimchaklar chaqishidan biror o‘lim holati ro‘y bermadi.
Hozirda bu bog‘ Sidney o‘rgimchagi chaqishiga qarshi vositaning yagona yetkazib beruvchisi hisoblanadi, biroq o‘z kuchi bilan ularni yetarli miqdorda to‘play olmayapti.
Hayvonot bog‘i xodimlari aholiga o‘rgimchaklarni tutishda og‘zi yopiladigan shisha idish va tayoqchalardan foydalanishni maslahat bermoqda.
Garchi o‘rgimchaklar zaharli va chaqqan vaqti insonni o‘ldirishi mumkin bo‘lsa-da, sakray olmaydi, shu sababli ularga yaqin kelish mumkin.
Diqqat, diqqat! “Daryo”ning Telegram’dagi rasmiy kanali — “ Toshqin ‘Daryo’ ” ( @toshqindaryo )ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Batafsil | Подробно | Read more... Daryo