Yaponiyadagi mehmonxonada kartinalarni o‘g‘irlagani aniqlangan Tailand savdo vaziri o‘rinbosari iste’fo berdi

Tailand savdo vaziri o‘rinbosari Sapxat Sakvandikul Yaponiyaning Kioto shahri mehmonxonasida kartinalarni o‘g‘irlayotgani kameralarda qayd etilganidan so‘ng iste’foga chiqdi. Bu haqda TJournal xabar bermoqda .

Sapxat Sakvandikul. Foto: TJournal

Qiymati 125 dollar bo‘lgan kartinalar yo‘qolgani haqida mehmonxona xodimlari yanvar oyi o‘rtalarida ma’lum qildi. Politsiya videokuzatish kameralarini tekshirdi va tasvirlarda Yaponiyaga Tailand hukumati topshirig‘i bilan yuborilgan vazir o‘rinbosari aks etganini aniqladi. Mansabdor hibsga olindi va o‘g‘irlikda ayblandi. U aybini tan oldi va mehmonxonaga yetkazilgan zarar uchun tovon to‘ladi.
Yaponiyadagi ishlarimni yakunlagandan so‘ng universitetda birga o‘qigan do‘stlarim bilan uchrashdim. Biz mast edik va men o‘zim bilmagan holda nojo‘ya harakatga qo‘l urdim. Bundan juda afsusdaman .
Sapxat Sakvandikul, Tailand savdo vazirining sobiq o‘rinbosari
Sud tekshiruvi yakunlangunga qadar 60 yoshli mansabdor vazirlikdagi boshqa lavozimga o‘tkazildi.
Diqqat, diqqat! “Daryo”ning Telegram’dagi rasmiy kanali — “ Toshqin ‘Daryo’ ” ( @toshqindaryo )ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Batafsil | Подробно | Read more... Daryo