OAV: Xitoy politsiyasi Gonkongdagi mehmonxonadan korrupsiyada gumon qilingan milliarderni o‘g‘irladi

Xitoy Xalq Respublikasi rahbari Si Szinpin oilasiga aloqadorligi bildirilayotgan xitoylik milliarder Syao Szyanxua politsiya tomonidan Gonkongdagi mehmonxonadan olib ketilib, Xitoyga jo‘natildi, deb xabar berdi “Interfaks”. 

Foto: The Guardian

OAVga ko‘ra, hozirda Syao Szyanxua qo‘lga olingan va pora bilan bog‘liq ish doirasida so‘roq qilinmoqda. Biznesmen joylashgan xonalarda qarshilik alomatlari payqalmadi. Syao avvaliga kompaniyasining ijtimoiy tarmoqlardagi sahifalarida o‘g‘irlab ketilganini inkor etdi, biroq keyinchalik bu xabarlar o‘chirildi. 
Bu haqda ma’lum qilgan The Guardian nashri tadbirkorning o‘g‘irlab ketilishi ortida chindan ham Xitoy politsiyasi turgan bo‘lsa, bu Gonkong konstitutsiyasining buzilishi ekanligini bildirdi. 
Diqqat, diqqat! “Daryo”ning Telegram’dagi rasmiy kanali — “ Toshqin ‘Daryo’ ” ( @toshqindaryo )ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Batafsil | Подробно | Read more... Daryo