Shavkat Mirziyoyev Amerika—O‘zbekiston savdo palatasi raisi Kerolin Lemmni qabul qildi

O‘zbekiston Prezidenti Shavkat Mirziyoyev 1-fevral kuni Amerika—O‘zbekiston savdo palatasi raisi Kerolin Lemmni qabul qildi. Bu haqda “Gazeta.uz” xabar bermoqda .

Foto: UzReport

Davlat rahbari va palata raisi o‘rtasida kechgan muzokaralar jarayonida savdo-iqtisodiy, investitsion, texnologik, innovatsion va ta’lim yo‘nalishlardagi uzoq muddatli va keng miqyosli hamkorlikni kengaytirish haqida so‘z bordi.

Mavzuga doir:   O‘zbekiston va AQSh o‘rtasida o‘zaro tovar ayirboshlash hajmi 2016-yilda 454 mln dollarni tashkil etdi

Agrosanoat majmusi, elektrotexnika, farmatsevtika va boshqa sohalarda ilg‘or tajribalar, to‘g‘ridan-to‘g‘ri investitsiyalar va Amerika tashkilotlari va kompaniyalari erishgan zamonaviy texnologik yutuqlarni jalb qilishga asoslangan istiqbolli loyihalar muhokama etildi.

Mavzuga doir:   Toshkentda O‘zbekiston—AQSh savdo forumi bo‘lib o‘tdi

Ikki tomonlama munosabatlarni mustahkamlashga qaratilgan hamkorlikning yangi mexanizmlarini yaratish masalalari ko‘rib chiqildi.
Diqqat, diqqat! “Daryo”ning Telegram’dagi rasmiy kanali — “ Toshqin ‘Daryo’ ” ( @toshqindaryo )ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Batafsil | Подробно | Read more... Daryo