Shri-Lankada mamlakat prezidenti o‘limini bashorat qilgan munajjim hibsga olindi

Shri-Lankada mamlakat prezidenti Maytripal Sirisenning kasallik yoki baxtsiz hodisa sababli o‘limini bir necha bor bashorat qilgan munajjim hibsga olindi. Bu haqda TJournal xabar bermoqda .

Foto: Maytripal Sirisen

Mazkur bashoratlar mahalliy mansabdorlar, xususan, telekommunikatsiyalar xizmati rahbari Nimal Bopageni tashvishga soldi va u o‘tgan yil dekabr oyida politsiyadan Facebook ijtimoiy tarmog‘ida joylashtirilgan bashoratlarni o‘rganishni so‘ragan. Bopage huquq-tartibot idoralariga maktubida munajjimni davlat to‘ntarishi va prezidentni o‘ldirishga urinishda gumon qilayotganini bildirgan.
Mahalliy politsiya matbuot xizmatiga ko‘ra, Vijita Roxana 31-yanvar, seshanba kuni “jamoatchilikni chalg‘itishi mumkin bo‘lgan yolg‘on bashorat va izohlar berish”da ayblanib, qamoqqa olindi.
Diqqat, diqqat! “Daryo”ning Telegram’dagi rasmiy kanali — “ Toshqin ‘Daryo’ ” ( @toshqindaryo )ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Batafsil | Подробно | Read more... Daryo