Facebook’dagi postlarga turli smayliklar orqali reaksiya ko‘rsatish mumkin bo‘ldi

Eng keng tarqalgan hissiyotlarni aks ettiruvchi yangi smayliklar Facebook’da 9-oktabrdayoq paydo bo‘ladi, deya xabar bermoqda “Hi-tech.mail.ru”. Biroq, dastlab, ular ijtimoiy tarmoqning faqat Irlandiya va Ispaniya segmenti uchun taqdim etiladi.

Foto: “Hi-tech.mail.ru”

Nashr eslatishicha, sentabrda Facebook asoschisi va rahbari Mark Sukerberg birgina “layk” (“menga yoqdi”) tugmasi foydalanuvchilarga yetarli emasligi haqida gapirgan edi. Misol sifatida u suriyalik qochoqlar bilan bog‘liq fojia yoki yaqin kishisining o‘limi haqidagi qaydni keltirdi. Ko‘plab foydalanuvchilar ijtimoiy tarmoqdagi bunday xabarlarni e’tiborsiz qoldira olmaydi, biroq “menga yoqdi” deb belgilash orqali, ular hamdardlik bildirmaydi, balki ma’qullaydi.
Yangi tugmalar to‘plamidan oddiy “layk”dan tashqari, sevgi, kulgi, quvonch, hayrat, qayg‘u va g‘azabni bildiruvchi ikonkalar o‘rin olgan.
Batafsil | Подробно | Read more... Daryo