Sarvinoz Qurbonboyeva: Qozog‘istonlik shaxmatchi ko‘proq ovoz yig‘ganiga ajablanmadim

Miss chess Eurasia so‘rovnomasida qozog‘istonlik shaxmatchi Jansaya Abdumalikdan kamroq ovoz to‘plab, yakunda 2-o‘rin bilan cheklangan o‘zbekistonlik shaxmat ustasi Sarvinoz Qurbonboyeva “Daryo” nashriga intervyu berdi.

Foto: “Olamsport”

Avvalroq Facebook’ning o‘zbekistonlik foydalanuvchilari so‘rovnoma halol kurashlar ostida o‘tganiga shubha bilan qaragan bo‘lsa, mazkur postga izoh qoldirgan boshqa bir foydalanuvchi chess.pw sayti egasining yonini olib, u kishi grossmeysterlarning oldidan o‘tganini qayd etgandi .
“Ular menga Facebook messenjeri orqali yozishgandi. Tanlovga nomzodingizni qo‘ysak qarshi emasmisiz, deb so‘rashgan. Men esa roziligimni bergandim”, — deb gap boshladi shaxmatchi.
“Yozgan odam qozog‘istonlik. Ismi Marat Mulku. Men ularni taniyman va hurmat qilaman. Qozog‘istondagi musobaqada ishtirok etganimda yuzma-yuz ko‘rishgandik. U odam o‘z profilida shaxmat yangiliklarini yozib boradi. Sayt haqida esa ma’lumotga ega emasman, feyk bo‘lmasa kerak, yana bilmadim”.

Foto: Facebook / Rasulbek Abdurasulov

Sarvinoz Qurbonboyeva qozog‘istonlik o‘sha kishi tomonidan yuritiladigan saytga tashrif buyuruvchilarning 53 foizi foizi O‘zbekistondan va faqatgina 11 foizi Qozog‘istondan ekanidan voqif etildi. “Bu qiziq bo‘ldi-ku”, — deb kulib javob berdi shaxmatchi qiz. Biroq bundan ajablanmaganini qayd etdi.
“Ajablanmadim. Ularda ko‘proq kishi ovoz bergan bo‘lsa kerak, deb o‘yladim”.

Mavzuga oid:   O‘zbekistonlik shaxmatchi qizlardagi go‘zallik va muxlislar ovozi saytga tashrif buyuruvchilarni ko‘paytirish uchunmi?


Batafsil | Подробно | Read more... Daryo