“Malibu’ning omadi kelibdi”. Toshkentda Cobalt va “Volga”ning ustiga daraxt ag‘anadi

Toshkentda 3-fevral kuni Janubiy Koreya elchixonasi yaqinida avtomobillarning ustiga katta daraxt ag‘anadi. Bu haqda Facebook’dagi “Voditeli Tashkenta (Drivers.uz)” guruhida fotoxabar qoldirilgan .

Foto: “Voditeli Tashkenta (Drivers.uz)”

Suratlarda daraxt poyasining asosi Cobalt’ning ustiga tushganini, shuningdek, daraxtning shoxlari “Volga”ga ham zarar yetkazgani ko‘rish mumkin. Ayni vaqtda, “Volga”ning yonida turgan Malibu’ga zarar yetmagan.

Foto: “Voditeli Tashkenta (Drivers.uz)”

Hodisa natijasida hech kim jabrlanmagan. Foydalanuvchilarning aksariyati Cobalt va “Volga” egalariga achingan, Malibu egasining omadi kelganini ko‘pchilik qayd etgan.
Guruh a’zolari 3-fevral kuni shaharning boshqa nuqtalarida ham daraxtlar ag‘anaganini yozib qoldirgan. Facebook foydalanuvchilari tegishli muassasalarni qurigan va chirigan daraxtlarga qarshi o‘z vaqtida chora ko‘rishga chaqirgan.
Diqqat, diqqat! “Daryo”ning Telegram’dagi rasmiy kanali — “ Toshqin ‘Daryo’ ” ( @toshqindaryo )ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Batafsil | Подробно | Read more... Daryo