Olmaotada pul tarqatayotgan yigitni 10 nafar politsiyachi so‘roq qildi (video)

Qozog‘istonning Olmaota shahrida “Haqiqiy pullardan iborat kostyumga nima bo‘ladi?” ijtimoiy sinovi qatnashchisi Andrey Lobanov huquq-tartibot idoralarining diqqat markazida bo‘ldi. Bu haqda TJournal xabar bermoqda .

Foto: KazDay

Uning aytishicha, huquq-tartibot xodimlari aksiya o‘tkazishga ruxsat olgan yoki yo‘qligini surishtirgan, diniy sektaga a’zolik, pullarni qalbakilashtirishda gumon qilgan. Suhbatdan so‘ng yigitcha qo‘yib yuborilgan.
Ko‘chaning o‘rtasiga turib olib, pul tarqatayotgan yigit ularni ajablantirgan bo‘lsa kerak. Uchta patrul — 9 kishi, yana kapitan ham keldi. Kapitan bu targ‘ibot huquqbuzarligi ekanligini aytdi va bizdan bas qilishni so‘radi. Shundan so‘ng tasvirga olishni to‘xtatdik.
Andrey Lobanov
Oldinroq “Haqiqiy pullardan iborat kostyumga nima bo‘ladi?” ijtimoiy sinovi Ukraina va Rossiyada, jumladan, Chechenistonda o‘tkazilgandi. Grozniyda o‘tkinchilar pullarni olmay, aksincha, o‘zlarinikini kostyumga yopishtirib ketgan.
Aksiya tashkilotchilari sinovni AQSh va Germaniyada ham o‘tkazishni rejalashtirmoqda.






Diqqat, diqqat! “Daryo”ning Telegram’dagi rasmiy kanali — “ Toshqin ‘Daryo’ ” ( @toshqindaryo )ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Batafsil | Подробно | Read more... Daryo