APL. “Chelsi” “Arsenal”dan o‘ch oldi, “Liverpul” autsayderdan yengildi, Romelu Lukaku 4 ta gol urishga erishdi

4-fevral kuni Angliya Premyer-ligasining 24-turi doirasida 8 ta uchrashuv bo‘lib o‘tdi. Manchester shahri klublari ishtirokidagi ikki o‘yinni inobatga olmasa, qolgan jamoalar maydonda saf tortdi.
Turning markaziy o‘yini “Chelsi” va “Arsenal” o‘rtasida kechib, mezbonlar 3:1 hisobida zafar quchdi. Tomonlarning “Arsenal” maydonidagi o‘yinida “to‘pchilar” 3:0 hisobida ustun kelgandi. Takroriy o‘yinda Antonio Konte jamoasi buning uchun o‘ch olib, raqibi bilan oradagi farqni 12 taga yetkazib oldi.



Chempionlik uchun kurash olib borayotgan “Liverpul” esa so‘nggi o‘rinlardan birini egallab turgan “Xall Siti” maydonida 2 ta gol farqi bilan imkoniyatni boy berdi. Yurgen Klopp jamoasi so‘nggi bor yangi yil yakunida “Manchester Siti”ni taslim qilgandi. Shundan keyin bo‘lib o‘tgan 5 ta bellashuvning 3 tasida durang o‘ynadi va 2 tasida yengildi.



“Xall Siti”ga esa Marku Silvaning tashrifi yoqdi. Klub o‘tgan turda “Manchester Yunayted” bilan golsiz durang o‘ynagandi. Endi “Liverpul”dek klub postiga javobsiz 2 ta gol urdi.
Turning eng sermahsul o‘yini “Everton” ishtirokida o‘tib, belgiyalik hujumchi Romelu Lukaku tomonidan qayd etilgan poker barcha masalani hal qilib berdi — 6:3.
Angliya Premyer-ligasi
24-tur
4-fevral, shanba
“Chelsi” — “Arsenal” 3:1
Gollar: Markos Alonso, 13 (1:0). Eden Azar, 53 (2:0). Sesk Fabregas, 85 (3:0). Olivye Jiru, 90+1 (3:1).
“Xall Siti” — “Liverpul” 2:0
Gollar: Alfred Ndiaye, 44 (1:0). Baye Umar Niasse, 84 (2:0).
“Everton” — “Bornmut” 6:3
Gollar: Romelu Lukaku, 1 (1:0). Jeyms Makkarti, 24 (2:0). Romelu Lukaku, 29 (3:0). Joshua King, 59 (3:1). Joshua King, 70 (3:2). Romelu Lukaku, 83 (4:2). Romelu Lukaku, 85 (5:2). Ross Barkli, 90+4 (6:2). Harri Arter, 90 (6:3).
“Vest Bromvich” — “Stok Siti” 1:0
Gol: Jeyms Morrison, 6 (1:0).
“Kristal Pelas” — “Sanderlend” 0:4
Gollar: Lamin Kone, 10 (0:1). Didye Ndong, 43 (0:2). Jermeyn Defo, 45+1 (0:3). Jermeyn Defo, 45+3 (0:4).
“Sautgempton” — “Vest Hem” 1:3
Gollar: Manolo Gabbyadini, 12 (1:0). Endryu Kerroll, 14 (1:1). Pedro Obyang, 45 (1:2). Stiven Devis, 52-avt (1:3).
“Uotford” — “Byornli” 2:1
Gollar: Troy Dini, 10 (1:0). Mbaye Nyang, 45+2 (2:0). Eshli Barns, 78-pen (2:1).
Chetlatish: Jeff Xendrik, 6 (B).
“Tottenhem” — “Midlsbro” 1:0
Gol: Harri Keyn, 58-pen (1:0).

Foto: Livescore.in


Batafsil | Подробно | Read more... Daryo