AQShda o‘ramiga Tramp surati tushirilgan narkotik moddalar partiyasi qo‘lga olindi

Amerikaning Florida shtati yashirin bozorida qiymati 100 ming dollar atrofidagi kuchli narkotik moddalar partiyasi qo‘lga olindi. Bu haqda “TASS” xabar bermoqda .

Foto: Flickr

Florida bosh prokuraturasining ma’lum qilishicha, narkotik moddalarning o‘ramiga Medelyin narkokartelining marhum yetakchisi Pablo Eskobar, “Sinaloa” narkokarteli boshlig‘i Xoakin Gusman va AQSh prezidenti Donald Trampning surati aks ettirilgan.
Narkotik moddalar savdogarlariga shuni aytmoqchimanki, ular bunga prezident suratini joylashtirib katta xatoga yo‘l qo‘ydi.
Pamela Bondi, Florida shtati bosh prokurori
Geroin va kokainning yirik partiyasi 27-yanvar kuni musodara etilgan. Jami vazni 1,5 kilogramm bo‘lgan narkotik moddalar 5,5 mingga yaqin o‘ramga qadoqlangan. Ularning aksariyati 46 yoshli Kelvin Skott Jonsonga tegishli avtomobilni ko‘zdan kechirish mobaynida topilgan.
Diqqat, diqqat! “Daryo”ning Telegram’dagi rasmiy kanali — “ Toshqin ‘Daryo’ ” ( @toshqindaryo )ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Batafsil | Подробно | Read more... Daryo