“Manas” restoranidagi kuchli yong‘in qo‘shni turar joy binosiga ham zarar yetkazdi (foto)

Toshkentning Shota Rustaveli ko‘chasida Grand Mir mehmonxonasi yonida joylashgan “Manas” restoranida bugun, 7-fevral kuni sodir bo‘lgan kuchli yong‘in qo‘shni turar joy binosiga ham zarar yetkazdi. Bu haqda UZ24 xabar bermoqda .

Foto: UZ24

Nashrning Yakkasaroy tumani yong‘in xavfsizligini ta’minlash bo‘limiga tayanib xabar berishicha, yong‘in soat 10:41 da boshlangan. Yong‘inni bartaraf etish uchun o‘t o‘chirish xodimlari zudlik bilan hodisa joyiga yetib borgan.

Foto: Facebook

Xabarda qayd etilishicha, yong‘in restoranga qo‘shni ikki qavatli turar joy binosiga ham o‘tgan. Bu vaqtda hodisaga yaqin bo‘lgan Grand biznes-markazida chiroq o‘chirilgan.

Foto: UZ24


Foto: UZ24


Foto: UZ24

Alanga kuchliligidan, uning tutunini Toshkentning ko‘plab hududlaridan payqash mumkin bo‘ldi. Hodisada qurbon bo‘lganlar va jarohat olganlar haqida hozircha ma’lumot yo‘q.

Foto: Facebook

Diqqat, diqqat! “Daryo”ning Telegram’dagi rasmiy kanali — “ Toshqin ‘Daryo’ ”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Batafsil | Подробно | Read more... Daryo