Amerikalik sudya avtomobil qo‘yish qoidasini ikki soniyaga buzgan ayolga qo‘llangan jarimani bekor qildi (video)

AQShning Providens shahri sudyasi Frenk Kaprio avtomobil qo‘yish qoidasini ikki soniyaga buzgani uchun jarimaga tortilgan ayol uchun jazoni bekor qildi. Bu haqda TJournal xabar bermoqda . 

Foto: Yahoo News

Avtomobilni qo‘yishga taqiq tonggi soat 8:00 dan 10:00 gacha amalda bo‘lgan, ayol esa jarima qog‘ozini soat 9 dan 59 daqiqa va 58 soniya o‘tganda olgan. 
Sudyaning shaharda o‘rnatilgan qarorni buzgani haqidagi e’tiroziga ayol o‘z mashinasidagi soat 10:00 ni ko‘rsatganini bahona qilgan.
Sudya esa bunga javoban: “Nima, endi mashinadagi soatni aybdor qilmoqchimisiz?”, — deya kinoya qilgan.
Oxir-oqibat, Frenk Kaprio vaqt soat 10 ga yaqin bo‘lgani haqida bir to‘xtamga keldi, jarimani bekor qildi va ishni yopdi.



Diqqat, diqqat! “Daryo”ning Telegram’dagi rasmiy kanali — “ Toshqin ‘Daryo’ ” ( @toshqindaryo )ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Batafsil | Подробно | Read more... Daryo