Madridning “Real” klubini turnirdan chiqarib yuborgan “Selta” emas, debyutant “Alaves” finalda “Barselona” bilan o‘ynaydi

Ispaniya kubogining finalida La liga debyutanti “Alaves” to‘p suradi. Kecha — 8-fevral kuni klub yarim finalda bu jamoa “Selta”ni mag‘lub etishga muvaffaq bo‘ldi.

Foto: Getty Images

Tomonlarning Vigoda bo‘lib o‘tgan o‘yinlarida hisob ochilmagandi . “Selta” futbolchilari safar o‘yinida ham raqib darvozasiga yo‘l topa olmadi. Mezbon jamoadan esa Edgar Mendes 82-daqiqadagi goli bilan “Alaves”ni final sari yetakladi.
Avvalroq Kataloniyaning “Barselona” klubi yarim finalning ikki o‘yini natijasiga ko‘ra Madridning “Atletiko” klubidan ustun kelib, finalda o‘ynash huquqini qo‘lga kiritgandi . Qayd etish kerak, “Barselona” Ispaniya kubogining amaldagi sohibi ham hisoblanadi.
“Alaves” hamda “Barselona” o‘rtasidagi Qirol kubogi finali 27-may kuni bo‘lib o‘tadi. Unga qaysi stadion mezbonlik qilishi keyinroq ma’lum qilinadi.
Ma’lumot uchun, shu mavsumdan e’tiboran La liga yo‘llanmasini qo‘lga kiritgan “Alaves” turnir jadvalida 12-o‘rinni egallab turibdi. Birinchi davrada mazkur jamoa “Kamp Nou”da “Barselona”ni mag‘lub etishga muvaffaq bo‘lgandi — 2:1. 11-fevral kuni tomonlar ikkinchi davra doirasida to‘qnash keladi.
Ispaniya kubogi
Yarim final
8-fevral, chorshanba
“Alaves” — “Selta” 1:0
Gol: Edgar Mendes, 82 (1:0).
Batafsil | Подробно | Read more... Daryo