Gruziyada “Paxtakor”da o‘ynagan futbolchi xotirasi uchun xiyobon tashkil etildi

Sentabr oyida Gruziya poytaxti Tbilisida joylashgan Mixail Mesxi nomli stadionda bir qator mashhur futbolchilarning shon-shuhrat xiyoboni ochildi. “Championat.asia”ning xabar berishicha , ular qatorida Toshkentning “Paxtakor” futbol klubining sobiq o‘yinchisi Zurab Sereteliga atalgan xiyobon ham ochilgan.

Foto: “Paxtakor” futbol klubi

Zurab Sereteli “Paxtakor”—1979 fojiasidan jamoaga yordam berish maqsadida tarkibga jalb etilgan bo‘lib, u jamoaga halokatda hayotdan ko‘z yumgan do‘stlari xotirasi uchun kelganini ko‘p takrorlab o‘tgan.
Zurab Sereteli “Paxtakor” safidagi 45 uchrashuvda oltita gol urgan. Uning “Paxtakor”dagi faoliyati 1981-yil yakunlangan va muxlislar so‘nggi o‘yinda uni olqishlar bilan kuzatib qo‘ygan.
Gruziya sport delegatsiyasining O‘zbekistonga 2014-yilgi tashrifi doirasida Seretelining qizi Anna ham Toshkentda bo‘lib, otasining Mixail An va Vladimir Fyodorov bilan do‘st bo‘lganini ta’kidlab o‘tgandi.
1992-yil 8-yanvarda Sereteli 38 yoshida Gruziyada avtohalokat natijasida vafot etgan. “Zurab Gruziya va O‘zbekistonda ishqibozlar mehrini qozonishga ulgurgandi”, — deyiladi “Paxtakor” saytidagi xabarda.
Batafsil | Подробно | Read more... Daryo