Rossiyadagi yong‘in oqibatida 7 nafar bola halok bo‘ldi

Rossiyaning Krasnodar o‘lkasi, Abinsk tumani, Xolmsk aholi yashash punktida yong‘in sodir bo‘ldi va 7 nafar bolaning umriga zomin bo‘ldi. Voqea turar-joylardan birida, 8-oktabr, payshanba kuni yuz berdi. Bu haqda “Segodnya.ua” xabar bermoqda .

Foto: “Segodnya.ua”

Halok bo‘lgan bolalarning eng yoshi 1 yosh, eng kattasi esa 10 yoshda bo‘lgan. Ularning bari is gazdan zaxarlanib, jon bergan.
Rossiya Favqulodda vaziyatlar vazirligining matbuot xizmati xabar berishicha, yong‘in hududi 60 kvadrat metrni tashkil etgan. Yong‘indan so‘ng, qutqaruvchilar uy ichidan to‘rt nafar, yigirma daqiqadan keyin esa yana uch nafar bolaning jasadini topgan.
Mazkur uyda besh nafar farzandi bor oila yashagan. 8-oktabr kuni ularning uyiga tanishlari ikki nafar yosh bolasi bilan mehmonga kelgan.
Yong‘in vaqtida ota-onalar uyda bo‘lmagan, yong‘in chiqayotganini qo‘shnilar payqab qolgan. Oilaning qarindoshlaridan biri bolalarni qutqarmoqchi bo‘lgan, ammo o‘zi jarohat olgan. U kasalxonaga yotqizilgan.
Ushbu voqea yuzasidan Rossiya Federatsiyasi qonunchiligida ko‘rsatilan “Ehtiyotsizlik oqibatida o‘lim qayd etilishi” moddasi bo‘yicha jinoiy ish ochilgan. Aybdorni to‘rt yillik qamoq jazosi kutmoqda.
Batafsil | Подробно | Read more... Daryo