Qozog‘istonda sharhlovchini efir vaqtida ishdan bo‘shatishdi

Xokkey o‘yini sharhlovchisi Aleksandr Oleynikdan o‘yin reportaji boshlanganidan besh daqiqa o‘tib, o‘rnini bo‘shatib qo‘yishini so‘rashdi. Bu haqda “Korrespondent.net” xabar bermoqda .

Foto: “Bnews.kz”

“ Men ‘Baris’— ‘Metallurg’ o‘yinini besh daqiqa sharhladim. Shundan keyin meni ‘Baris’ jamoasi vitse-prezidenti Arman Nurumbetov chaqirayotgani haqida aytib qolishdi. Uning yoniga borganimda, u menga barchasi uchun rahmat aytdi va hozirdan bo‘sh ekanligimni ta’kidladi.
Undan buning boisi nimada ekanligini so‘radim. Ammo menga barchasidan rahbariyatning xabari bor ekanligini aytishdi. Bu yerda eng asosiy sabab mening ‘Baris’ga muxlis emasligimda emish.
Butun mamlakatga shuni aytishim mumkinki, men ‘Baris’ga muxlislik qilaman. Balki efir vaqtida o‘z hissiyotlarimni yetarlicha oshkor etmasman, lekin men yuz foiz ‘Baris’ga muxlislik qilaman” , – deb ta’kidlagan Oleynik.
“Baris” jamoasi rasmiy saytida yozilishicha, Oleynik kasb axloqlari qoidalarini buzgani uchun efir vaqtida sharhlashdan chetlashtirilgan.
Batafsil | Подробно | Read more... Daryo