Toshkent to‘qimachilik va yengil sanoat instituti qoshida O‘quv-amaliyot to‘qimachilik texnoparkini tashkil etiladi

O‘zbekiston Respublikasi Prezidenti Shavkat Mirziyoyev “Toshkent to‘qimachilik va yengil sanoat instituti qoshida Koreya Respublikasi hukumatining beg‘araz yordamini jalb etgan holda O‘quv-amaliyot to‘qimachilik texnoparkini tashkil etish chora-tadbirlari to‘g‘risida” qaror qabul qildi. Bu haqda Norma xabar bermoqda .

Foto: O‘zA

Texnoparkni ishga tushirish uchun Janubiy Koreya Respublikasi hukumatining 15 million dollar miqdoridagi texnik ko‘mak vositalari (granti) jalb etiladi.
Texnopark qurilishi, zarur ilmiy-laboratoriya jihozi, asbob-uskunalar, mebel va orgtexnika bilan jihozlanishini 2018-yilda yakunlanishi ko‘zda tutilgan. 
Yangi erkin hududni tashkil etishdan ko‘zlangan maqsad talabalar va yosh olimlarni to‘qimachilik, tikuv-trikotaj, bo‘yash-pardozlash, mato va liboslar dizayni sohasida amaliy tadqiqotlar o‘tkazishga o‘rgatish, mahalliy va xorijiy tashkilotlar, fan va ta’lim muassasalari buyurtmalari asosida ilmiy izlanishlar olib borish, ilg‘or axborot-kommunikatsiya, energiya va resurs tejovchi texnologiyalarni qo‘llagan holda manbashunoslik, bo‘yash-pardozlash, dizayn sohasida tadqiqotlar o‘tkazish, xorij professor-o‘qituvchilari rahbarligi ostida oliy kvalifikatsiyadagi ilmiy va ilmiy-pedagogik kadrlar tayyorlashni ta’minlashdan iborat.
Diqqat, diqqat! “Daryo”ning Telegram’dagi rasmiy kanali — “ Toshqin ‘Daryo’ ” ( @toshqindaryo )ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Batafsil | Подробно | Read more... Daryo